Вальютын ханш

ВалютАлбан ханш
rate iconUSD АНУ доллар2635.94
rate iconEUR Евро2963.72
rate iconJPY Японы иен23.55
rate iconRUB ОХУ-ын рубль41.22
rate iconCNY БНХАУ-ын юань393.17
rate iconKRW БНСУ-ын вон2.32

2025 ОН ГЭХЭД УЛААНБААТАР НЭГ САЯ АВТОМАШИНТАЙ БОЛЖ ХӨДӨЛГӨӨН ЗОХИЦУУЛАХ БОЛОМЖГҮЙ БОЛОХ МАГАДЛАЛТАЙ

Нийслэлийн сурагчдын 50 орчим хувь нь хамран сургах тойрогтоо суралцахгүй байгаа нь замын түгжрэл нэмэгдэх нэг шалтгаан болж байна гэж Нийслэлийн мэдээллийн технологийн газар мэдээллээ.

Сурагчдын амралт эхэлснээр замын түгжрэл буурсан дүр зураг ажиглагдсан байна. Тиймээс хамран сургах тойргийн бүртгэлийг цахимжуулах ажлыг 2019 онд хэрэгжүүлэхээр төлөвлөсөн байна. Нөгөө талаар сурагчдын автобусыг нэмэгдүүлэх хүсэлт гаргасан ч 2019 онд гурван автобус худалдаж авах мөнгө төсөвлөсөн гэж Нийслэлийн боловсролын газраас мэдээлсэн юм. 2018-2019 оны хичээлийн жилд нийслэлийн 52 сургууль 131 автобусаар сурагчдад үйлчилж байна. Гэхдээ сургууль, цэцэрлэгт хамрагддаг хүүхдийн тоо 410 мянга хүрчээ.

Нийслэлийн автомашины тоо жилд 70 мянгаар нэмэгдэж байгаа гэсэн статистик мэдээллийг Замын хөдөлгөөний удирдлагын төвөөс өглөө. Жил бүр энэ хэмжээгээр нэмэгдэхэд Улаанбаатар хот 2025 он гэхэд нэг сая автомашинтай болж хөдөлгөөн зохицуулах боломжгүй болно гэж мэдээлж байна. Автомашины импортын бодлогод анхаарах шаардлагатай гэж Замын хөдөлгөөний удирдлагын төв онцоллоо.

Одоогоор нийслэлд 530 мянган автомашин хөдөлгөөнд оролцож байгаа юм байна. Нөгөө талаас нийслэлд хоёр түвшний уулзвар буюу 20 байршилд гүүрэн болон нүхэн гарц хийх шаардлагатай байгаа гэж Нийслэлийн автозамын хөгжлийн газар мэдээлсэн юм. Энэ хүрээнд эхний зургаан байршлын санхүүжилтийг БНХАУ-аас авахаар Сангийн яам ажиллаж байгаа юм байна. Хэдий тийм боловч цаашид хоёр түвшний уулзвар барих ажлын хөрөнгө оруулалтыг концессоор шийдвэл богино хугацаанд түгжрэлийг бууруулах боломжтой гэж үзжээ.

Эх сурвалж: www.bloombergtv.mn

Нийтлэгч

Нийтлэгч

Тус ажлын хамгийн эхний ажил нь эрхэм зорилго, үнэт зүйлсээ тодорхойлж чадсан явдал юм.

Сэтгэгдэл үлдээх

This site uses Akismet to reduce spam. Learn how your comment data is processed.